Xjenza Malta, b’kollaborazzjoni mal-Ministeru għas-Saħħa u l-Anzjanita Attiva, nediet sejħa ġdida biex tiffinanzja r-riċerka dwar l-Obeżità f’Malta.

Il-Programm ta’ Riċerka dwar l-Obeżità għandu l-għan li jappoġġja sforzi ta’ riċerka li jinvestigaw l-impatt tal-ambjent lokali tal-ikel fuq l-obeżità. Il-programm għandu l-għan li jiġġenera evidenza li tista’ tinforma l-politiki u l-interventi mfassla biex jippromwovu għażliet ta’ ikel aktar b’saħħtu u jtejbu r-riżultati tas-saħħa pubblika.

Dawn l-isforzi jikkontribwixxu għal fehim aktar profond tar-relazzjoni bejn l-ambjenti tal-ikel u l-obeżità, u jappoġġjaw l-iżvilupp ta’ strateġiji mmirati biex jindirizzaw kwistjonijiet ta’ saħħa relatati mad-dieta.

Din is-sejħa se tiffoka fuq is-suġġetti li ġejjin:

• Provvista tal-Ikel
• Promozzjoni tal-Ikel
• Etikettar tal-Ikel

 

Parametri tal-Programm

Jekk l-għajnuna mill-istat hija applikabbli, l-applikanti għandhom japplikaw taħt il-qafas ta' de minimis

 

Sessjoni ta' Informazzjoni Dwar Din is-Sejħa:

Se ssir laqgħa ta’ informazzjoni onlajn dwar il-Programm ta’ Riċerka fuq l-Obeżità sabiex tingħata ħarsa ġenerali lejn din is-sejħa:

Data: It-Tnejn 2 ta' Ġunju 2025

Ħin: 10:00 am

 Ikklikkja hawn biex taċċessa s-Sessjoni ta' Informazzjoni

 

Aktar informazzjoni dwar din l-opportunità ta' finanzjament, il-kriterji ta' eliġibbiltà, ir-regoli tal-parteċipazzjoni u l-formola tal-applikazzjoni, jistgħu jinstabu fl- annessi hawn taħt :

Ikklikkja hawn biex tniżżel il-Formola tal-Applikazzjoni 

Agħfas hawn biex Tniżżel ir-Regoli Nazzjonali tal-Parteċipazzjoni (Għajnuna mill-Istat)

Agħfas hawn biex Tniżżel ir-Regoli Nazzjonali tal-Parteċipazzjoni (Għajnuna Mhux Statali)

Ikklikkja hawn biex tniżżel l-Awtodikjarazzjoni

 

NB Dikjarazzjoni ta' Kunflitt ta' Interess hija inkluża mad-dokumenti tas-sejħa u trid timtela u tiġi ffirmata minn kull applikant.